Foron aprobados por unanimidade os estatutos da organización, que permiten a participación de calquera militante nos órganos de dirección e nos grupos sectoriais de traballo (muller, agro...).
A ponencia política foi aprobada tras as modificacións resultantes de varias emendas, quedando como compromisos no inmediato máis importantes a colaboración
coas organizacións xuvenís e mozos e mozas nacionalistas na creación de espazos
para a confluencia na mesma loita por unha Galiza ceibe e a implicación total na construción dun novo movemento político nacionalista na
Galiza, asembleario,
aberto e plural, construído cunha dinámica asemblearia, para o cal animamos a participar na Asemblea Nacional Constituínte das Asembleas Nacionalistas da Galiza este sábado, 14 de xullo (inscríbete aquí).
En breve poremos en marcha os acordos que tomamos e iniciaremos o traballo nas localidades e comarcas, así coma os obxectivos de mellora da comunicación a través dunha web e de autoformación, mediante publicacións e actividades diversas.
Viva Galiza ceibe, viva a Mocidade Irmandiña!
* As fotos son de Jorge M. De la Calle.
Sem comentários:
Enviar um comentário