25/04/11

Revólta-te! [25 - 4 - 2011]


Nesta semana de folganza - non para tod@s, infelizmente - seguimos a recopilar reflexións sobre a cada vez máis grande concentración da riqueza en poucas mans, definida nun artigo de Mike Whitney en termos de loita de clases, coa inquietante pregunta: adiviñan quen vai gañando?, onde se analizan os desastrosos efectos da inflación para a clase traballadora:

"... os gastos dos consumidores baixaron, xa que a comida e a enerxía restan unha porción maior dos seus salarios. Despois de tomar en conta a inflación, o consumo persoal aumentou só 3%, mentres que o ingreso real caeu a 1%."
"Bernanke (presidente da Reserva Federal dos USA) di que non debemos preocuparnos polos altos prezos, porque a inflación subxacente aínda é baixa (preto de 1%). Iso é fácil de dicir para alguén que xamais encheu un tanque de gasolina na súa vida, pero para todos os demais a inflación é un asasino que obriga a recortar gastos ou a contraer máis débeda."
"... os gaños  provintes da produtividade laboral irán parar aos petos dos executivos..."
" Preto de 40% do gasto dos consumidores (nos USA) é xerado polo quinto de fogares máis ricos."

Pregúntase o autor se eses que acumulan a riqueza a están a reinvertir en dinamizar a economía estadounidense. Pois non: "Están a intercambiar bens de papel entre eles para estafar ao mercado e así poder deixar aos seus fillos malcriados mil millóns de dólares máis antes de morrer. "

Por todas as partes os beneficios dos inversores aumentan mentras diminúen as rendas e dereitos da clase traballadora, como vimos a semana pasada co recurte de persoal proposto por Telefónica mentras obtén ganancias de miles de millóns de euros ou no reparto de 2.200 millóns de euros entre os accionistas dos máis potentes bancos españois. O que sucede é case pornográfico, por evidente roubo á xente traballadora:

" Cando a recesión golpeou, os negocios despediron a millóns de traballadores, esixindo ao resto que cubrise co seu traballo a diferenza: o que, en moitos casos, fixeron. A produtividade aumentou un 3,9% en 2010, mentres caían os custos laborais"


O mozo irmandiño Antom Fente analiza esta situación de crise para os de abaixo e o Estado ao servizo dos ricazos no artigo titulado elocuentemente "O nacional-socialismo dos ricos".

"No Reino de Espanha a metade dos dez milhons de pobres existentes  já nem sequera podem mercar menzinhas ou outros tratamentos (53.000 famílias) e quatro de cada dez pessoas com um ordenado anual inferior a 8.000 euros passou fame na última década. Sessenta mil menores de idade passárom fame frequentemente porque nom podem cear nunca e nem sempre tenhem garantida umha refeiçom diária. Um terço destes milhons vivem em menos de quinze metros quadrados (34.000 famílias)."
"O socialismo dos ricaços só fai inçar e inçar cada vez mais a expropriaçom da maioria com a que socializam as suas perdas e com a que  partilham cada vez menos dos seus ganhos ao tomarem por assalto os estados para que apliquem políticas fiscais laxas e regressivas."
"No Estado espanhol acarom dos dez milhons de pobres estám as fortunas do Ibex  que cobram 1.300 milhons só em dividendos, 14% mais a respeito do exercício anterior".

Os paraísos fiscais, onde eses que concentran a riqueza poden eludir impostos, son analizados por David Runciman neste artigo. A mobilidade de capitais e unhas reflexións históricas sobre a moeda internacional son analizadas por Luis Gonzaga aquí.

E sobre o FMI, instrumento de aplicación das políticas que benefician aos grandes capitais, Francisco Louça advirte aquí que aplicar as medidas do FMI en Portugal "contribui para a recessão e conseguirá a bancarrota".

Susan George, fundadora de ATTAC e autora do Informe Lugano, analiza a crise en curso nunha entrevista tirada da revista Andalucía Solidaria, afirmando que " a elite econômica mundial reunida no Fórum de Davos é o principal ator da crise econômica e financeira".
Como solucións, Susan George propón "socializar os bancos", poñer as finanzas a servizo da biosfera e da sociedade, e non ao contrario, informar ás persoas de como estamos a ser explotadas e establecer "alianças para se defender as consequências do modelo atual".

En canto ás alternativas ao capitalismo, seguimos mirando a Islandia coma unha esperanza, con artigos de Michael Hudson e Paul Krugman: aquí e aquí.

A inxusta distribución da riqueza e a hexemonía do discurso ultraliberal está na base do ascenso da ultradereita en Finlandia ou da Frente Nacional en Francia, mais no Estado español non andamos exentos da ameaza da "vella farsa tráxica", como nos advirte Beiras no seu artigo dominical no Galicia Hoxe.

"O pacto constitucional está rompido por obra dos mesmos actores que foran os seus artífices hai un terzo de século, a soberanía "nacional" cedida á UE e o FMI, os inquilinos do aparello de estado manexados coma monecos de ventrílocuo polo poder imperial e os seus missi dominici, o poder xudicial a facer "mangas e capirotes" dos dereitos cidadáns á marxe de calquer control democrático, a xerarquía católica reinstalada no sectarismo inquisitorial da "cruzada", e o capital financeiro transnacional convirtido en bailleur de fonds dunha metamorfose do nazi-fascismo encarnado nunha ultradereita reacionária e xenófoba disfrazada de popular: a farsa tráxica está servida no "corral nublado" de Max Estrella."


Recuperamos unha ollada sobre Chernóbyl, á luz do accidente nuclear en Xapón, e un artigo que analisa a entrada de China nas enerxías "verdes" entendidas coma negocio.
 “Já representa 50% dos investimentos mundiais totais em energia eólica, e lidera o mundo em investimentos e desenvolvimento em energia solar”.
Convén previrse do "capitalismo verde", tomando, por exemplo, leccións da dexeneración política dos verdes alemáns.

En canto ao "mundo árabe", cómpre lembra que Estados Unidos mantén silencio sobre a represión en Bahrein mentras tamén cala o xornalismo pro-sistema, mentras Ignacio Ramonet ve na blogosfera e redes sociais a esperanza dun novo xornalismo crítico.

Dende a Galiza, dúas reflexións que atinxen aos servizos públicos, ameazados pola onda privatizadora: Manoel Santos, en "Recuperar e reconceptualizar o público", e, no eido da educación, a limitación de prazas no máster de profesorado no sistema público galego. Tamén na Galiza coñecimos os datos do paro na mocidade.


Para rematar a semana, unha reflexión de Lupe Ces sobre a Lei de familia da Galiza, en relación coa constitución húngara, analizada esta neste outro artigo.

Boa semana! 
25 de abril, sempre!

18/04/11

Revólta-te! [18-4-2011]

Qué é o roubo dum banco em comparança com fundar um?
Bertolt Brecht


Abrimos a semana com umha citaçom do célbre poeta da extinta RDA Bertolt Brecht e entre diversas sacudidas a nível internacional e galego que nom fam mais do que piorar a situaçom do sistema-mundo capitalista atual.


O sociólogo e político Jean Ziegler, hoje vice-presidente do Conselho de Direitos Humanos da ONU, calcula que “dos 905 bilhões de ativos estrangeiros na Suíça, 280 bilhões vêm dos países da Ásia, América Latina e África. Em cerca de 90% dos casos, trata-se de dinheiro roubado dos povos mais pobres do planeta”. Começamos a semana resgatando um artigo onde se demonstra que para a banca dam o mesmo odor as notas da classe trabalhadora do que as de Khadaffi, Duvalisem ou qualquer outro tirano. James Petras também retrata os super-ricos aos que a crise longe de afetar-lhes colocou-nos numha posiçom imelhorável e acentuando umhas desigualdades entre ricos e pobres maiores do que em qualquer outro período:


As operações de salvamento de bancos, especuladores e industriais cumpriram o seu verdadeiro objectivo: os milionários passaram a multimilionários e estes ficaram ainda mais ricos. Segundo o relatório anual da revista de negócios Forbes, há 1210 indivíduos – e em muitos casos clãs familiares – com um valor líquido de mil milhões de dólares (ou mais). O seu patrimônio líquido total é de 4,5 milhões de milhões de dólares, maior do que o valor total de 4 mil milhões de pessoas em todo o mundo. A actual concentração de riqueza ultrapassa qualquer período anterior da história.

De milheiros de milhons fala também o artigo de Michael Hudson. Repasa a situaçom desastrosa que Almunia impuxo a Letónia e os resultados nefastos do FMI sobre os povos. Logo a Grécia, Irlanda e agora Portugal. Islándia tombou o referendo e a chantagem da UE e a bancocracia. Nesta direçom aponta igualmente um artigo dum dos gestores deste blogue, Antom Fente, - "O resgate de Portugal: um "botín" para a bancocracia espanhola" - onde se cifra a exposiçom total da banca espanhola em 70.000 milhons de euros. Este fascismo financeiro internacional foi denunciado por Xosé Manuel Beiras também neste semana no marco dumha palestra perante centenas de moças e moços universitários da USC, à vez que atacava os seus parceiros locais, "terroristas" chamou-lhes, como Rouco Varela, Fernández Ordóñez, Rubalcaba e Rajoy (aqui e aqui). Desse fascismo financeiro e das suas terríveis conseqüências fala também Stiglitz comparando Fukushima com o casino mundial em que aposta a bancocracia, sem ter em conta os limites ecológicos do planeta.

A guerra de Líbia segue gerando atualidade. Xoán Hermida, desde um ponto de vista nada compracente e crítico para boa parte da esquerda, escudrinha as diversas opinions e artigos que se tenhem verquido na esquerda mundial e galega sobre a intervençom imperialista e sobre as revoltas do mundo árabe. Nesse original percurso recolhese um texto de Tariq Ali que literaturiza, nom sem retranca, a marcha do poder de Khadaffi. Pareceu-nos atinado recuperarmo-lo esta semana.

Já na Galiza continuamos com o nosso particular PPleaks. Desta volta focamos o fracasso absoluto do Xacobeo, que para o PP ia ser -seica- a chave para tirar a Galiza da recesom. A Rede Feminista Galega analisa aqui a Lei de família aprovada polo PP e Paula Verao pom-no aqui em relaçom com as conquistas das mulheres em Tunísia. Antom Fente fala sobre o roubo na educaçom, Raúl Asegurado segue a indagar sobre a cidadania (aqui) e Beiras sobre Brañas e a crise, mentras Xavier Vence analisa aqui a situaçom na Telefonica, cunha introduçom nossa:

Telefónica, despois de acordar un recorte de plantilla que afectará a 5.600 traballadores e traballadoras (o 20% do total da empresa), vén de anunciar que proporá á Xunta de Accionistas incentivos millonarios para os seus cargos directivos. As ganancias de Telefónica no ano 2010 superaron os 10.000 millóns de euros. As contradicións do capitalismo fanse evidentes mesmo nos propios medios de comunicación do sistema. Nas rúas, a maioría da xente xa ten clara unha evidencia: camiñamos cara un mundo onde cada vez menos xente concentra maiores riquezas mentras masas de poboación son condenadas á miseria; a crise serviu de escusa para o aumento dos beneficios dos súper-ricos do mundo.

Boa semana irmaos e irmas e ainda melhor leitura e reflexom!

- Eduardo Febbro: "O circuito de bancos que lava o dinheiro de ditadores".


- James Petras: "Os super-ricos do mundo".




- Michael Hudson: "Nin verdes, nin liberais, nin socialdemócratas puideron co pobo: Islandia di outra volta non ao suicidio financeiro ao que a conminaba a UE".


- Antom Fente Parada: "O resgate de Portugal: um "botín" para a bancocracia espanhola".


- Joseph Stiglitz: "Xogar co planeta".



- Xoán Hermida: "Notas críticas sobre a esquerda e Libia (recunquemos logo!)".


- Tariq Ali: "Gadafi despídese de todos vostedes".







- Paula Verao: "A lección das mulleres tunecinas para a Galiza de Habichuela I".


- Antom Fente: "O roubo na educaçom".


- Raúl Asegurado: "Indagacións sobre a cidadanía VI: participación política (II)".


- Xosé Manuel Beiras: "Brañas e a crise que non cesa (II)".


- Xavier Vence: "Telefónica e o neoliberalismo".





11/04/11

Revólta-te! [11-4-2011]

Começamos umha nova andaina. Todas as semanas faremos umha postagem com um pequeno editorial e os melhores enlaces semanais postados do blogue Á revolta entre a mocidade, onde se recolhe informaçom crítica e analítica sobre diversos temas de atualidade desde umha visom de esquerdas que procura que o leitor poda construir o seu próprio conhecimento.


Um destes temas de inequívoca atualidade é a Lei de Augas impulsada pola brigada de demoliçom e limpeza étnica instalada em Sam Caetano, a Junta da Galiza encabeçada polo "Habichuela". Precisamente vimos de celebrar o dia internacional da auga e Eduardo Galeano dedicou o honoris causa recebido a todos os militantes da auga, também os galegos estamos nessa militáncia.



De raivosa atualidade está também a guerra de Líbia. Muitos som os artigos que temos publicado sobre o conflito, de análise e opiniom. Nesta semana salientamos um de Ignácio Ramonet "Líbia, o justo e o injusto", umha entrevista a Noam Chomsky sobre Líbia, "Eses farsantes xenocidas" de Xosé Manuel Beiras e o último do teórico do sistema-mundo Immanuel Wallerstein.



Nom convem tampouco perder de vista o mundo do trabalho. Que melhor que resgatarmos o artigo de Barbara Ehenreich publicado em Sin Permiso Carta Maior para lembrar-nos até onde chega a ferocidade do modelo substituto do velfarismo: o shanganismo - ou noutras nomenclaturas o passo do fordismo para o toyotismo -. Nos EUA do "pensamento sequestrado", como diria Susan George, a Walmart sancionou o passo para um novo modelo empresarial para ianquilándia bem diferente do "clássico" da General Motors. Como indica Arrighi a Wal-Mart é um líder empresarial porque, parafreseando a Marx, converte em "mostruos deformes" mercadorias prescindíveis os seus trabalhadores. 



Na onda deste sombrio panorama, um dos editores do blogue Á revolta publicava dous artigos sobre o cada vez mais palpável, em sua opiniom, darwinismo social militarizado, ou, por outras palavras, umha leitura atualizada do panorama que já introduzia Carl Amery no seu dia. O darwinismo soical militarizado ou a sociedade da quinta parte bem pode ser a estratégia do poder perante a crise ecológica e sistémica que atravesa o planeta.



Didático, incesivo e imprescindível resulta o artigo dum dos maiores expertos mundiais em políticas públicas, Vicenç Navarro. Com traduçom do nosso companheiro Vicente Veiga, "O que nom se di do susposto 'milagre alemám' " é um desses artigos que nom deixara indiferente a ninguém. Pola sua banda, Boaventura de Sousa Santos agasalha-nos com "Incoformismo e criatividade", um bom artigo onde começa a pesquisa de alternativas claras perante a ofensiva do FMI e a bancocracia, "o fascismo financeiro" em palavras do autor, contra Portugal.



Contundente e explícito também é o artigo de Robert Reich intitulado "Por que os EUA devem aumentar a taxação dos ricos". Serva de mostra esta sinopse:


Numa análise recente o total do volume de negócios entre os bancos de Wall Street e as firmas de seguros bateu recorde em 2010 – 135 bilhões de dólares, um crescimento de 5,7% sobre o valor negociado em 2009. Ainda assim a taxação sobre os mais ricos despencou. De 1940 a 1980, o percentual de contribuição do imposto de renda dos mais rico era de no mínimo 70%. Nos anos 50, era de 91%. Hoje, é de 35%.

Aliás, no eido do audiovisual incorporamos umha curtametragem do prestigioso cineasta Ken Loach e também umha resenha do celebrado documentário Inside Job!, sobre a queda da Goldman Sachs e a AIG. Quanto a livros, incorporamos umha entrevista a Stéphane Hessel autor do opósculo Indignai-vos!.

Finalizamos com um artigo que nos enviava um leitor do nosso blogue Á revolta. Trata-se dum artigo aparecido em Galiza Livre em que se debruçam sobre a necessidade, a possibilidade e a análise dum "movimento à rasca" - como o que se deu em Portugal - na Galiza. 



Boa semana irmás e irmaos e ainda melhor leitura.




- Óscar de Lis: "A guerra da auga".



- Ignácio Ramonet: "Líbia, o justo e o injusto".


- Avram Noam Chomsky: entrevista sobre Líbia.



- Xosé Manuel Beiras: "Eses farsantes xenocidas".




- Immanuel Wallerstein: "A grande manobra diversionista na Líbia".




- Barbara Ehenreich "Mulheres trabalhadoras contra a Walmart"




- Antom Fente Parada: "O darwinismo social militarizado"








- Boaventura de Sousa Santos: "Inconformismo e criatividade".








- Ken Loach: "11 de setembro".